రాష్ట్ర మంత్రి నారా లోకేశ్ను విమర్శించే నైతిక అర్హత వైకాపా నేత కాకాణి గోవర్ధన్రెడ్డికి లేదని మాజీ మంత్రి, ఎమ్మెల్యే సోమిరెడ్డి చంద్రమోహన్రెడ్డి అన్నారు. కాకాణి అనేక అక్రమాలకు పాల్పడ్డారని ఆరోపించిన ఆయన, వాటిపై సమగ్ర విచారణ జరపాలని డిమాండ్ చేశారు.
మంగళవారం మనుబోలులోని చంద్రమౌళినగర్ గిరిజన కాలనీలో నిర్వహించిన ‘రెండేళ్ల నమ్మకం-అభివృద్ధి సంక్షేమం’ కార్యక్రమంలో సోమిరెడ్డి పాల్గొన్నారు. ఈ సందర్భంగా ఆయన మాట్లాడుతూ.. అక్రమాలకు పాల్పడిన వ్యక్తి లోకేశ్పై విమర్శలు చేయడం విడ్డూరంగా ఉందన్నారు. అనంతరం గిరిజనుల సమస్యలను అడిగి తెలుసుకున్న ఆయన, వాటిని తక్షణమే పరిష్కరించాలని అధికారులను ఆదేశించారు.
సర్వేపల్లి నియోజకవర్గంలో చేపట్టిన అభివృద్ధి కార్యక్రమాలను సోమిరెడ్డి ఈ సందర్భంగా వివరించారు. సుమారు రూ.70 కోట్ల సీఎస్ఆర్ నిధులతో 80 కాలనీల్లో వాటర్ ట్యాంకులు నిర్మించామని తెలిపారు. జల్ జీవన్ మిషన్ కింద రెండు విడతల్లో రూ.100 కోట్లకు పైగా నిధులు, గ్రామాల్లో త్రీ-ఫేజ్ విద్యుత్ కోసం రూ.110 కోట్లు మంజూరు చేయించామని పేర్కొన్నారు. విద్యార్థులకు సైకిళ్ల పంపిణీ, రూ.3 కోట్లతో ఎస్సీ హాస్టల్ నిర్మాణం, సోలార్ లైట్ల ఏర్పాటు వంటి పనులను కూడా ఆయన ప్రస్తావించారు.
ముఖ్యమంత్రి చంద్రబాబు నాయకత్వంలోని కూటమి ప్రభుత్వం అత్యంత పారదర్శకంగా పాలన అందిస్తోందని, సంక్షేమం, అభివృద్ధికి తమ ప్రభుత్వం పెద్దపీట వేస్తోందని సోమిరెడ్డి చంద్రమోహన్రెడ్డి స్పష్టం చేశారు.
మంత్రి లోకేశ్ను విమర్శించే అర్హత కాకాణికి లేదన్న సోమిరెడ్డి..
